Udalbiltza Aurkezpena, euskara.

Aurkezpena
UDALBILTZA Euskal Herriko Udalen eta Udal Hautetsien Biltzarra da. 1999ko irailaren 18an, Bilboko Euskalduna Jauregian, zazpi lurraldeetako ia 2.000 udal hautetsik sortu zuten, azken mendeetan nazio erakunderik ez izateak Euskal Herrian sortu duen desitxuratze instituzionalari aurre egitearren. Lan dinamiken gainetik, UDALBILTZA erakunde bakana da eta, erlijio, sexu, edo bestelako eragozpenik gabe, herritarrek Euskal Herriko 684 udalerrietan hautatu dituzten udal hautetsiek parte hartzeko eskubidea dute.
UDALBILTZAren helburuak
Batzar eratzaileaz geroztik, bi helburu nagusi izan ditu UDALBILTZAk: batetik, Euskal Herria nazio berezko eta desberdindua dela aldarrikatzea Euskal Herria eskubideen jabe dela ukatzen duten Espainiako zein Frantziako estatuen aurrean, zein nazioartean; eta, bestetik, nazio eraikuntza bultzatzea.
Udalez eta udal hautetsiz osaturiko nazio erakundea izanik, udalen eta udal hautetsien atxikimendu libre eta demokratikoan oinarritzen da. Udal eta udal hautetsien arteko elkarlana alorrez alor sustatzen du, Euskal Herriari inposatu zaizkion muga juridiko, politiko eta administratiboen gainetik.

EHNA

Zer behar dut EHNA eskuratzeko?
Non daude EHNA eskatzeko bulegoak?
EHNA Diasporan
EHNAri buruzko mezua bidali

DIASPORA

Euskal diaspora, zortzigarren herrialdea
Dokumentuak
Diasporako estekak

WEB

www.udalbiltza.net